विश्व प्रसिद्ध गायन प्रतिभाको खोज रियालिटी शो अमेरिकन आइडलको उपाधि यात्रामा नेपाली मूलका दिवेश पोखरेलले निरन्तरता दिएका छन् ।
आइडलको १८ औँ संस्करणको उपाधि यात्रामा अघि बढ्ने क्रममा दिवेश उत्कृष्ट पाँच अर्थान फाइनलमा पर्न सफल भएका छन् ।
न्यूयोर्कको समय अनुसार बेलुका ७ बजेको कार्यक्रम सुरु भएलगत्तै अमेरिकन आइडलको शीर्ष पाँचको घोषणा गरिएको हो ।
दिवेशलाई अब अमेरिकन आइडल बन्नका लागि भोटिङको खाँचो छ । उनलाई भोट टेक्स्ट मेसेज, वेवसाइट र अमेरिकन आइडलको एप्लीकेशनबाट गर्न सकिनेछ ।
एक जनाले ३० पटकसम्म भोट गर्न सकिने जनाइएको छ । दिवेशको प्रतियोगी नम्बर १६ टाइप गरेर २१५२३ मा टेक्स्ट मेसेज गर्न सकिनेछ । यसरी १० पटकसम्म मेसेज पठाएर भोट गर्न सकिने जनाइएको छ ।
दिवेशले अब उपाधिका लागि फाइनल राउण्डमा प्रत्येकले दुई दुई वटा प्रस्तुति दिने छन् । सबैभन्दा बढी भोट ल्याउने अमेरिकन आइडल घोषणा हुने छ ।
कोरोना भाइरसको महामारीका कारण अमेरिकन आइडलको फाइनलमा सबैले आ–आफ्नो घरबाटै प्रस्तुति दिइरहेका छन् ।
दिवेशसँगै डिल्लोन जेम्स, जस्ट साम, जोन्नी वेस्ट, फ्रान्सिस्को मार्टिन टप ५ मा पुगेका छन् ।